Vawiin chawhma dar 11:00 hian District Bawrhsap pisa ah Pu Rodney L. Ralte IAS, District Bawrhsap kaihruaina-in District Level Core Committee on Bru Repatriation and Rehabilitation an thukhawm.
He thutkhawmna-ah hian Bru hruaikir dan tur chungchang ngaihtuahin State Level Core Committee in ni 5 March, 2012 a alo rel tawh bawhzui dan tur te an sawi hova. State Level Committee in Bru te hi April thla chhunga hruai kir nise a tih chu thlir hovin District Level Committee chuan Mamit DC Office-ah Bru Cell din nise, Kanhmun leh Zomuantlangah Facilitation Centre changtlung tak din/dah ni se, tih te leh he facilitation Centre-ah hian Medical Staff te pawh dah nghal ni se tihte rel a ni a. Heng bakah hian he centre-ah hian Tui leh inthiarna changtlung tak siam ni se tih a ni bawk.
District Level Core Committee chuan mahni thu-a Mizoram a Bru lo let chhungkua 239 free Ration pek dan tur ngaihtuahin heng mite hi Home Department-in sum a pek veleh chhawmdawlna hi pek ni se an ti.
Anni ho hi nikum 2011 June thla atangin chhawmdawlna an dawng tawh lo a ni, mahni thu a Bru lo let te hi puitling 851 leh naupang 259 an ni a. Free Ration hi kum khat chhung atana pek tur an ni.
Bru Repatriation-ah hian chhungkua 799 rawn lut tawhin puitling 2991 leh naupang 1128 an vaiin mi 4119 an lo let tawh a ni.
Bru te hruaikir lehna atan hian 1995 Roll hman nise, Identification hi arang thei ang berin DC Office-in lo buaipui se tiin Committee chuan a rel bawk a ni.
He meeting-ah hian SP, Project Director, DRDA, CMO, BSF Commandant, DLAO, DFO, EE, PHE, SDO(sadar) DCSO te bakah Pu David Lalthangliana, OSD (Home) te an tel a ni.
