Vawiin khan Rajiv Gandhi Stadium-ah North East Games vawi 26 na chu Pu John Rotluangliana, Deputy Speaker in a khar.Mizoram contingent chu point 77 hmu in Overall Champion an ni a,  Manipur Contingent chu point 47 hmu in Runner Up an ni.

Pu John Rotluangliana chuan NE games-a lawmman dawng phak khawpa tithate hnenah a lawmpui thu a sawi rualin, lawmman dawng ve lote chu an rilru tihnual lo turin a fuih a. “Infiamnaah hian lawmman ngawr ngawr piah lamah inelnaa tel phak nih hrim hrim hi a hlu a, he NE games hian hmar-chhak bialah inunauna leh inpumkhatna a thlen ngei ang tih ka ring tlat a ni” a ti.

Pu John Rotluangliana chuan NE Games vawi 26-na thleng thei tura Mizoram sawrkara Chief Minister Pu Lal Thanhawla hma lakna leh Sports Minister Pu Zodintluanga kaihhruaina  hnuai ah NE Games tlin tak leh mawihnai taka kan thleng thei chu lawmawm a tih thu a sawi a, he Games hlawhtling theihna tura rim taka thawktu Organising Committee leh Sub Committee hrang hrang chungah lawmthu Dy Speaker hian a sawi bawk.

Kharna inkhawm hi Pu S.Laldingliana, Parliamentary Secretary in a kaihruai a, Pu Vineet Kumar, Asst Director, SAI,NSIS, Patiala in Games Report a pe ,North East Games Mizoram in an thlen danah hmarchak mipui te chu inunauna tha tak nei a  zawh thei a ni chu lawmawm atih thu a sawiin, lodging leh sport thlen danah a tha chungchuang a ti bawk a ni. Kharna inkhawm ah hian Pu Zodintluanga,  Minister Sports & Youth Services, Pu Lal Thanzara, Parliamentary Secretary, Pu K.S. Thanga, Parliamentary Secretary, Pu Hmingdailova Khiangte, Chairman, Youth Commission  bakah Official thahnem tak an tel.

Team Championship Result