Vawiin chhun dar 12:00 khan DC’S Office Chamber-ah District Bawrhsap Pu V. Lalremthanga, IAS kaihhruaina-in District Level Core Committee On Bru Repatriation and Settlement an thukhawm a, He thutkhawmah hian Self Repatriation kalpui tum mek chungchang rel a ni.

He meetingah hian Bru chhungkua, Mizoram khua leh tui dik tak, mahni duhthu ngeia rawn chho turte tan a buatsaih anih thu tarlan niin thawhkhatna atan hian Asapara leh Naisingpara Camp a awmte tan buatsaih niin Preliminary Survey neih hmasak tula hriat a nih avangin chu mi lo ti tur chuan AERO panga Pu Ralzidinga, Ralte ASO, Mamit, Pu Lalnundika BDO Zawlnuam te Asapara a kal tur niin Pu Lalhmansanga BDO Reiek, Pu Abraham Beirazi Khithie, SDC Mamit leh Pu V. Lalruatliana SDC Mamit te hi Naising Para a kal tura tih an ni a. Survey hi 13-17 May 2013 chhunga tih ni se tih rel a ni bawk.

Self Repatriation atan hian Facilitation Camp (FC) pathum Kanhmun, New Eden leh Zomuantlang te ruahman niin remchan zawkna avangin Zomuantlang hi Sabual a thlak tura rawtna siam ni se tih committee chuan a rel bawk.

Survey Report behchhanin Core Committee hi Dt 20.May 2013 ah neih leh ni se, hetah hian an awmna tur khua V/C te leh Camp tina A.O turte pawh kohkhawm ve ni se committee chuan a ti bawk.

He Committee ah hian District Level Core Committee te an tel tha hle a ni.