Vawiin khan Lunglei DC Office Chamber-ah Pu Lalhriatpuia, MCS, Jt. Secy. Home Department kaihhruaiin District Level Core Committee an thukhawm a, November ni 1 atanga ni 27 chhunga 8th Batch Bru hruai kir dan tur an sawiho.

Core Committee chuan Bru hruai kir chenna tur hmun siamsak te, transportation, ei leh in pek dan turte, an awmna tur khua theuh enkawltu tur Administrative Officer ruat leh venhimna pek dan tur te, a thlawna damdawi sem tur leh damlo enkawlna te, tui in tur thianghlim leh kawlpetha pek dan tur te an sawiho a, khaw pali – Putlungasih, Buknuam, Dinthar leh Chawilung te chu an chenna atan ruahman a ni.

Home Ministry atanga sum hmuh cheng vbch 5 chu SLCC-in District 3 – Lunglei, Mamit leh Kolasib te hman atan a ruahman anga, DP&AR in Liaison Officer tur MCS Officer a ruat ang. District Joint Monitoring Group te District tinah Home Ministry in a ruat tur thu vawiina meeting-ah hian tarlan a ni.

Lunglei District-a Bru hruai kir turte hi chhungkaw 223 an ni a, Buknuamah chhungkaw 11, Putlungasih-ah 91, Dinthar-ah 81 leh Chawilung South ah chhungkaw 50 te dah tura ruahmanna siam a ni.