Nimin chawhnu khan kar khat chhung Lunglei District, Siaha, Lawngtlai leh 2nd MAP staff te neih tur "Maintenance of Law and Order, crowd control and Riot Drill" chu Pu Zosangliana, Lunglei SP chuan 2nd Bn MAP hmun ah a hawng.

Course hawnna ah hian Lunglei SP chuan tun hnai lawka Lunglei leh Siaha District-a thil thleng te chu video clip en chunga thlirnawn in, insiamthat leh inzir thar tur ang te uluk takin a hrilhfiah a. Chhimlam Police Range-a Law and Order problem a lo thlen pawh a inbuatsaihna atan DIG Southern Range Pu Joseph Lalchhuana chuan he training hi uluk takin a vil reng a ni. He course hi zirtawpni thleng neih a ni anga, second course chu a hranpa a ruahman leh a ni ang. Mipuite leh ram leh hnam ralmuan nan Southern Range police te hian nasa takin intuai thar an tum a ni.

Batch khatna atan hian mi 97 an tel a, kar khat chhung an training anga, indoor theory leh outdoor exercise uluk takin an nei ang.