Vawiin chawhnu dar 1:30 khan District Level Fire Prevention Committee chu Chairman leh Saiha DC nibawk Pu Rodney Lalrinawma hovin DC Conference Hall-ah an thukhawm a. Chairman chuan Mizorama ram kang nasa thin lutuk chu veiawm tiin uar lehzuala village level-a mipui inzirtir a tul thute a tarlang. Kumin chhunga Mizoram puma ramkang venna kawnga hma la tha ber District lawmman Saiha District-in kan la thei chu lawmawm tiin lawmman dawn Rs. 20,000/- chu tangkai taka ram kang venna kawnga hmalak zui zel nana hman dan turte committee chuan an sawiho a, hmun kang nasa zual thinte thlang chhuaka, ram kang ven hna thawk tura NGO te ruaia Fire Prevention Squad din tura Committee hminga ngen nise tih te, ram tikangtu te chu na taka hrem thin ni se tih te leh a remchan anga khaw hrang hranga hemi kawnga mipui inzirtirna campaign buatsaih tum ni se tih te Committee chuan an rel a ni. Meeting ah hian department kaihhnawih te, NGO leh MJA aiawhte an tel a ni.