Law Commission Chairman Pu R.Lalrinawma chuan vawiin tlai dar 3:00 khan a bial chhunga Govt Higher Secondary School, Zemabawk a tlawh.

Zirlai leh zirtirtute hmaah Pu R.Lalrinawma chuan sorkarin zirna a ngaih pawimawhzia sawiin Education Reform Commission pawh din ni tawhin chak taka hma lak mek zel a ni, a ti. Tuna zirlaite chu nakina ram, kohhran leh khawtlang hruaitu tur an nih avangin an nun uluk tur leh taima taka lehkha zir turin a fuih. Zirtirtute chu mahni hnaah lungawi tur leh Pathianin an rawngbawlna tura a dahna a ni tih hriaiin rinawmna leh inpekna thinlung nen an hna thawk turin a fuih a. Harsatna an neihte chu sawihova chinfel theih a nih thu sawiin Pu Lalrinawma chuan innawrh khum hi sorkarin a ngai thei dawn lo a ni, a ti. Aizawl North lama Commerce zirna awm lo tih hriain sorkar chuan Zemabawk GHSS-ah commerce zirna hawn a nih thuai theih nan hmalak mek a ni a ti bawk.