District Level Fire Prevention Committee, Aizawl District chu vawiin khan Addl. DC, Aizawl Office Chamber ah thukhawmin kumin 2015 fire season a hmalak dan tur uluk takin an rel.

District Level awareness camping chu ni 28.1.2015 hian Saitualah neih ni se tia rel a ni a. Kumin 2015 fire season-ah hian District huamchhungah ram kang a awm loh nan DLAO, BDO, RO leh Police lamte pawhin anmahni huamchhung theuhah theih tawp chhuah a tanla turin hriattir an ni a. Lengpui leh a chhehvel khaw sarih (7) ah te hian Addl. DC Aizawl District hovin District Level Fire Prevention Committee member te awareness nei a fan chhuah vek nise. Heng kaw sarih (7) te hian lo hal hun tur ni leh darkar a ruat ah lo an hal ngei theih nan a tul anga hmalak chhunzawm tur a rel a ni.