Vawiin chawhma dar 11:30Am khan DC Conference Hall-ah District Level Flower Exhibition Cum Fair, 2019 chu Pu Lalvansanga, DHO kaihruaina hnuaiah hman a ni.

Vawiin District Level Flower Exhibition Cum Fair hawngtu khuallian Pu Bhupesh Chaudhary IAS, Deputy Commissioner chuan thu sawiin, hetiang a Horticulture Department leh Florist Association ten thawhhona an nei hi a lawmawm hle a ni, a ti a. Flower Show-ah te hian Pangpar chingtute mahni thiamthil leh thawhrah phochhuah nan leh he show hmang tangkai a, sum leh pai lakluh nan te a hmang turin a fui hlawm a.Florist Association din chhan ber chu Pangpar chingtuten hma insawn zawk thei nan leh Siaha District a lo mawi zawk nan te, mitinin pangpar chin an lo uar zawk theih nan a din a ni, a ti bawk.

Kumin a Flower Exhibition Cum Fair hi Mission for Integrated Development of Horticulture (MIDH), Central Scheme hnuai atanga buatsaih niin, Flower Exhibition Cum Fair vawi 12-na a ni a, participants 23 awmin, Flower Pot 500 a awm bawk a ni.