Vawiin chawhma dar 11:00Am khan D.C’s Conference Hall Siaha-ah District Level Flowers Exhibition Cum-Fair neih a ni. He hun hmanna ah hian Pu. C.H. Lalmuanpuia, DHO Siaha chuan kaihruaiin, Pu.R. Zotawna, Director of Horticulture, Government of Mizoram chu khuallian ni in he hun hi a hmanpui a ni.

Vawiin District Level Flowers Exhibition Cum-Fair neih na ah hian khuallian Pu. R. Zotawna chuan thusawiin vawiin ni a hetiang hun kan hmang thei hi lawmawm a tih thu a sawi a, Siaha-a Pangpar khawitute thawhrimna leh taimakna te chu chhuanawm a tih thu leh lawmawm a tih thu te a sawi bakah mitaima tak tak tan chuan Pangpar hi eizawnna tlak a nihzia sawiin, hlawhtling tur chuan taimakna leh tumruhna kan neih angai a. Siaha District a Pangpar khawitute hi in la hlawhtling ngei ka ring tlat a ni, a ti bawk.

Vawiin District Level Flowers ExhibitionCum-Fair neihna ah hian Pangpar chingtu mi 34 te hnen atangin Pot Flowers leh Pot Plants 1159 te phochhuah niin, he Flowers Exhibition Cum-Fair ah hian Category 25 ah then ni in Category hrang hrang-ah lawmman siam dan chu pakhatna in Rs.2000/- leh Certificate, pahnihna in Rs.1500/- leh Certificate, pathumna in Rs. 1000/- leh Certificate bakah Consolation Prize Rs. 500/- theuh siam a ni a, lawmman te hi Khuallian Pi Harleen Kaur IAS, Deputy Commissioner, Siaha chuan naktuk Programme kharna-ah a sem dawn a ni.