Vawiin khan Lawngtlai District Bawrhsap, District Level Housing Loan Advisory Board Chairman ni bawk,Pu J. Hmingthanmawia Office Chamber- h Lawngtlai District Level Housing Loan Advisory Board member-te an thukhawm a, Housing Loan dilna tlingkhawm te an enfel.

Kumin chhung atan Lawngtlai District hian Housing Loan Quota 24 a nei a, chung zinga paruk chu Middle Income Group tana hauh sak niin a dang 18 chu No Income Group te tana hauh sak an ni thung. Heng quota tin te hnawhkhat tur hian Nodal Department chuan 4.7.2014 hmaa District Advisory Board ngaihdan hriat a duh nain hemi ni hi LADC a Borapansury Bye-Election Result chhiar ni a nih vang leh Election Model Code of Conduct 7.7.2014 thlenga a nun bawk si avangin vawiin hian meeting an nei thei ta chauh a ni.

Lawngtlai District chhungah hian tun dinhmunah Housing Loan dilna 432 zet a awm mek a, chutih laiin quota hi 24 chauh a awm si avangin a dawngtu turte uluk taka ngaihtuah chunga thlanchuah nise chung hming thlanchuah te chu Nodal Department-ah thehluh nise tiin a rel a ni.