District Level Implementing Committee on NLUP, Kolasib chu vawiin khan an Chairman District Bawrhsap Pu H. Lalengmawia IAS, hovin DC Conference Hall-ah an thukhawm.

Bawrhsap chuan Kolasib District chhunga NLUP dawngtute NLUP an dawn atanga an hmasawnna diktak hriat theih nan impact analysis neih tha a tih thu sawiin, Line Department te mahni dapartment hnuaia beneficiary te hrechiang turin a fuih a. NLUP Line Department te chu District Administrator te inpawh taka hmalakna leh harsatna an sawiho thei thin chu lawmawm a tih thu a sawi bawk.

Vawiin Meeting chuan District chhunga NLUP hmalakna Review Meeting neih thuai tha an tih thu sawiin, 10th October, 2016-ah neih theih turin Line Department tin te lo inbuatsaih turin hriattir an ni a. NLUP Line Department hrang hrang te hmachhawp leh harsatna tawh mek te sawiho a ni a, hemi chungchangah hian Trade thlak chungchanga harsatna awm thin te sawiho a ni bawk. Heng bakah NLUP Audit neih zawh tak chungchang te leh hmalakna tur hrang hrang te sawiho a ni.