Nimin khan DC Conference Hall, Mamit-ah Pu Jacob Lalawmpuia, Addl DC hovin District Level MiMIR Committee (Mipui mamawh intawm Ruahmanna)- My Project My NEDP chuan District chhung Village Level MiMIR Committee atanga Project lut 18 te thlir hona (Screening) neih a ni.

Village Level atanga Project siamtute hian an Project siam kalphung leh mipui ten an hlawkpui dan tur sawifiahna a lem nen  entirna an nei a ni.

District MiMIR Committee te hian Project siamtute hi an project in a tum leh mipui ten an tangkai pui theihdan tur chungchangah  zawhna hrang hrang zawtin, tehfung hrang hrang hmangin Committee te hian an endik a ni. 

Tarlan ang hian Mamit District chhung Village Level MiMIR Committee atang hian Village Council 19 ten Project 1 theuh thehlutin, Andermanik Village Council-te Project thehluh erawh rokhawlna avanga an in lan theih loh avangin  screening neih a ni ve lo a ni. District Level MiMIR Committee te hian uluk takin project lutte  hi thlifimin heta tang hian a tha ber pakhat thlanchhuah a ni ang.