No.3967/2020-2021

Mamit 10th August, 2020 : Vawiin khan DC Conference Hall, Mamit-ah Dr Lalrozama, IAS Chairman Level Monitoring Committee/ District Bawrhsap hovin District Level Monitoring Committee for Central Sector Scheme ( CSS) thutkhawm a ni.

Vawiin thukhawm hian Mamit District-a kuthnathawktu intelkhawm Farmers Producer Organisation (FPO) chu hlawk zawk leh mumal zawka an kal theihnana hmalakna tur sawiho a ni a. FPO pakhat tan hian kum 3 chhungin Rs 18 lakhs ruahman niin FPO tinah hian members 100 tal an awm a ngai thung a ni. Mamit District-ah chuan Mizo Chilli ( Bird-eye chilli) chu chin turin hmalak nise tih a ni a, He Scheme hnuaia FPO in din tharte tan hian Companies Act emaw Co-operative Societies Act hnuaiah in register tur a ni anga, he mi hnu hian Credit Guarantee Facility 85% thleng an hmu thei anga, Bank kaltlangin Loan a pung hniam zawkin hmuh theih a nih dawn thu meeting-ah hian tarlan a ni. Heibakah hian Sawrkar atangin Equity grant Farmers tinah Maching grant Rs 2000/- theuh, a belhkhawma Rs 15.00 lakh pel lo FPO tin tan hmuh theih a ni bawk ang.

Meeting-ah hian Pu J.D Traite, Member Secretary, District Level Monitoring Committee/District Development Manager (DDM) NABARD chuan Farmers Producer Organisation (FPO) Central Sector Scheme (CSS) chungchang sawizauna leh sawifiahna a lem nen a nei bawk.

Meeting-ah hian Mamit atangin DAO, DAH&VO, DFDO, DHO aiawh bakah, Senior Scientist & Head KVK, Mamit District, Reitlang Organic Producer Company, W. Phaileng Block Birdseye Chilli Growners Society aiawh, W. Lungdar, Organic Tumeric Farmer Producer Organisation aiawhte an tel a ni.