2081/2022-2023
Mamit 27th September, 2022 : Vawiin khan DC Conference Hall, Mamit-ah Pu Lalfakzuala, Addl.DC Mamit hovin District Level Organising Committee on "Zoram Harh rawh" Campaign thutkhawm a ni a. He Programme kaltlanga Mamit District chhung YMA Branch tinte Mizo hnam lam leh Folk song hmanga inelna kalpui dan tur sawiho a ni.

Meeting hian Mizoram State AIDS Control Society leh Central YMA tangkawpin kan rama HIV/AIDS lo hluar zelte dona kawngah leh a vei mekte pawhin enkawlna tha zawk an dawn theih nana hmalakna atana District Level-a inelna buatsaih tura a ngen angin Mamit District huamchhunga YMA Branch tinte Mizo hnam lam leh Folk song hmanga inelna buatsaih nise tih a ni.

Mizo hnam lam leh Folk song inelna hi November 17-18 chhungin neih nise tih a ni a. A hmun atan Chhimveng YMA Hall, Mamit chu ruahman niin he inelna a tel turte tan hian October 31 thleng District Level Organising Committee on "Zoram Harh rawh" Campaign hruaitute hnenah in-report theih a ni ang.

"Zoram Harh rawh Campaign" hnuaia inelna buatsaih tura mawhphurhna leh chanvo hrang hrang in pek niin he mi atan hian Sub-Committee inruat nise tih a ni bawk.

District Level Organising Committee on "Zoram Harh Rawh Campaign" Committee chuan he inelna tel tur hian YMA Branch tinte chu lo inbuatsaih tura ngenin Lawmman pakhatna hian Rs. 50,000/- an dawng dawn a, Pahnihna-in Rs. 30,000/- leh pathumna-in Rs. 10,000/- bakah Consolation Prize Branch pahnih tan Rs. 5,000/- leh a tel zawng zawng tan Rs. 1,000/- a ni ang. State Level inelna hi December ni 1-ah Dawrpui Multipurpose Hall-ah neih a ni dawn a ni.

Meeting-ah hian District Level Organising Committee on "Zoram Harh rawh Campaign" members te an tel tha hle a ni.