Vawiin chawhnu dar 2:00 khan Saiha District Village Level Sports Competition (PYKKA Tournament) chu District Playground, Saiha-ah khar a ni. He Sports Competition kharna inkhawm hi Pu Lalhmingthanga, Election Officer, Saiha District chuan a kaihruai a, Pu N.Chakhai, Project Director, DRDA Saiha chu Khuallian niin Pu Zokhai Khuhly, Asst. Secretary, Saiha District Sports Council chuan report tawi a pe.

Khuallian chuan he Tournament kharna inkhawm ah hian thu sawiin ram hmasawn tur chuan thalaite an changkan a ngai a ni, tiin, PYKKA in a tum ber chu rilru leh taksa hmasawnna a ni, a ti a. PYKKA hian India ram hmun kilkhawr ber a chengte pawh sports hmang hian tih hmasawn a tum a ni, a ti bawk. He Tournament a Item chi hrang hrang a pakhatna te chu State Level inelna a District aiawha tel turte an nih avangin inthlahdah mai mai lova Exercise te pawh la chhunzawm zel turin a chah bawk a ni.

He Tournament ah hian Saiha District chhung Rural Development Block pahnih Saiha leh Tuipang Block atanga khaw hrang hrang atangin Sports Item chi 6-ah inelna neih a ni a, a pumpui ah Saiha Block chu pakhatna a ni a, lawmman tangkafai Rs. 40,000/- leh Certificate chu Khuallian hian a hlan a, pahnihna chu Tuipang Block a ni a, lawmman tangkafai Rs. 20,000/- leh Certificate chu Khuallian hian a hlan bawk.

Sports Discipline hrang hrang Individual Item a tithate hnenah pawh Certificate Khuallian hian a hlan nghal bawk a ni.