Vawiin chawhnu dar 1:00 khan I & PR Auditorium ah Mizoram Olympic Association (MOA) hotu thlanna neih a ni a, thlangthei hi 51 an awm laiin mi 50 an kal.

Hotu thar kum 2009-2013 atan a thlanna hi Pu K.Sapdanga, President, MJA leh a thawhpui ten inthlan hi an kaihruai a, hetiang hian hotu an thlang :-

President ah Pu Lal Thanhawla, Chief Minister chu Mizoram Amateur Boxing Association (MABA) atangin Patron a nihna in a ding a, chuh lohvin a tling a, Pu Zodintluanga, Sports & Youth Services etc. Minister chu Mizoram Tennis Association hmingin a ding a, Vice President ah thlan tlin a niin, Pi Zothankimi, Mizoram Women Hockey hmingin a ding a, Vice President ah thlan tlin a ni bawk. Secretary ah Pu Zoliana Royte, Mizoram Table Tennis Association hminga ding chu thlan a ni a, Jt. Secretary atan Mizoram Football Association hminga Candidate Pu Lalremtluanga chu thlan tlin a ni.