Vawiin chawhnu dar 2:30 khan Art & Culture Auditorium, Lunglei-ah District Level Prime Minister Employment Generation Programme Exhibition vawiin 23 - 26.2.2010 thleng awh tur chu Pu Joseph Lalhimpuia, Vice Chairman, HPC, Lunglei in a hawng.

Ministry of Micro Small & Medium Enterprise, Govt. of India chuan kum 2008-2012 chhung hian India ram khawpui leh thingtlangah mi nuai 37 vel employment siamna turin he scheme hi Rs. 4485 crores PMEGP subsidy a pek theihna turin a buatsaih a ni. He scheme implement tur hian KVIC chu Nodal department atan a dah a. State ah chuan State KVIC, State KVI Board leh Industry department te ruat an ni. Mizoram State KVI Board chuan tunah mi 1297 hna siam turin project 130 a peih tawh a. Mi 680 diltu awmah District Task Force Committee chuan mi 580 a pawm tawh a, tun dinhmunah bank in mi 105 dilna chu a sanction tawh a ni. Heng zinga 60 te tan hian margin money pawh tih fel tawh a ni. Lunglei District bikah hian Mizoram KVI Board hnuaiah kum 2009 - 2010 atana target a rawn siam chu mi 170 employment generate thei turin project 17 ruahman a ni. Bank pawhin sanction tawhin Rs. 15.61 lakh pawh margin money release tawh a ni. DIC Lunglei hnuaiah hian bank-in peoject 13 a sanction tawh bawk. India ramin project leh scheme a duanchhuahte hi eizawnna ngelnghet nei thei tura siam a ni a, chungte chu a taka chawr tangkai tur chuan rinawmna, taimakna leh ngaihtuahna fel tak hmang theuh turin a duh thu Pu Joseph Lalhimpuia chuan a sawi.

Inkhawm hi Pu Lalzidinga Sailo, DVIO, MKVIB, Lunglei in a kaihruai a ni.