Vawiin khan Sacred Heart School Auditorium ah ni 13 - 17 May 2016 chhung awh turin Disaster Management Authority, Lunglei leh DEO Office, Lunglei buatsaih District Level Competition On Quiz, Essay and Painting for school neih a ni. Pu H.Joseph Lalramsanga, Deputy Commmissioner leh Chairman, District Disaster Management Authority, Lunglei District in a hawng.

Inkhawm hi Chuaupari Pachuau, District Co-Ordibator, Disaster Management Authority, Lunglei in kaihruai in Pu.Joseph H.Lalramsanga chuan thu sawi in Disaster Management hi mi tin tan a pawimawh a, zir tur pawh a tam hle a ni, mi a te ber atang a a lian ber thleng in training neih ni thei se kan tangkai pui a ring. School tin ah Disaster Management Plan nei theuh turin a chah a, he competition in a tum ber chu Awareness siam duh vang a ni a ti. Zirtirtute pawh in School ah Disaster chung chang ah zirtirna neih ni thei se zirlai ten an hlawkpui a beisei. Painting a lo tel te tha tak leh taima tak a ti turin a chah a ni.

Pu Vanlalchhauva, SDEO Lunglei South pawhin thui sawiin he kan competition buatsaih hi naupang talent haichhuahna tha tak a ni a, lawmman dawn chauh ngaihtuah lovin Artes ah hian kan ngaihtuahna hmangin midang te en theih tur a pho chhuah na tha tak a ni a ti.

He painting competion hi Middle School tan a buatsaih a ni a, Dt 16.5.2016 ah High School 14 atangin naupang 28 ten Essay Competition hmang in inelna an nei anga, Dt.17.5.2016 ah Higher Secondary School 4 ten Quiz Competition hmang in inelna an nei leh ang.