4293/2025-2026

Dated Siaha, February 4, 2026 : Vawiin chawhnu dar 12:30PM khan khan DC Mini Conference Hall, Siaha-ah District Level Road Safety Committee-an thukhawma, Pu Abraham Beirazi Khithie, Additional DC-in a kaihruai.

Chairman Pu Abraham Beirazi Khithie chuan Mizoram sawrkar Transport department, Police department leh Road Transport department, MADC te’n thawhhona tha tak an nei chu lawmthu sawiin, kum lo kal lehzel turah pawh chhunzawm zel tha a tih thu a sawi.

Member Secretary Dr. Manesia Khaimeichho, DTO, Siaha chuan nikum lama hmalakna hrang hrang tarlangin kumina hma lak dan tur hmachhawpte sawifiahna neiin sawihona neih chhunzawm nghal a ni.

Kumin Road Safety month behchhana hma lakna tur hrang hrang rel a ni a, chung zinga thenkhatte chu – Tipa-ah road safety awareness campaign neih, MTP, VC leh department tanghoin Siaha khawpui chhung kawng sira lirthei inhung rei tawh lutuk thenfai, Mizoram sawrkar leh MADC a lirthei khalhtute pualin awareness Campaign neih, Government Saiha College, Siaha-a zirlaite hnenah inzirtirna neih, February thla Sunday apiangin chawhnu dar 1 – 4PM inkarah Siaha khawpui chhung hmun li-ah duty point siam a, lirthei tlante endikna neih nise tih a ni.

Vawiin thutkhawmah hian District Level Road Safety Committee-te an tel a, chairman Pu Abraham Beirazi Khithie-in lawmthu sawina a nei a, thutkhawm tin a ni.