4019/2024-2025

Dated: Mamit the 30th January, 2025 : Vawiin khan Mamit District Road Safety Committee chu a chairman Pu K. Laltlawmlova, District Bawrhsap kaihhruaina-in DC Conference Hall, Mamit-ah thutkhawm a ni.

Vawiin thutkhawmah hian Road Safety Month thlathar February chhunga hmalakna kalpui dan tur sawiho a ni a, Road Safety Month hawnna hi 4th February, 2025 chawhnu dar 1:30 ah DC Conference Hall-ah neih nise tih a ni a, programme kimchang duan nghal a ni. 

Road Safety Month chhung hian DIET, Govt Mamit College-ah te awareness compaign neih nise tih a ni a, No Tolerance Drive February Ni 17-21 chhunga kalpui tur niin, Mamit khawchhung bakah Tuidam leh W. Phailengah te No Tolerance Drive hi kalpui tura ruahmanna siam a ni bawk. Mamit khawpui chhung hmun lunlaiah Road Safety Awareness Banner tar nise tih a ni a, Mamit District chhung zirna in hrang hrangah pledge chhiar rual tur thawnchhuah nise tih a ni bawk. Hei bakah hian Mamit District chhung Accident hlauhawmna hmunah Informatory Sign dah nise tih niin District chhung khawtinah khawtlang hruaitute kaltlangin lirthei khalh leh chuan chungchanga fimkhurna tur a zau thei ang bera mike hmanga puanzar nise tihte rel a ni.

Vawiin Meeting-ah hian Pukhraj Kamal, IPS, SP Mamit bakah committee member-te an tel a ni.