Kolasib DC & District Election Officer Pu Lalramnghaka hovin vawiin khan a office chamber-ah District Level Standing Committee on Election neih a ni a. Zirtawpni kalta a Election puan hnua boruak awm dan leh sawrkar lam atanga ruahmanna hrang hrangte an thlir ho a ni.

Pu R. Lalramnghaka chuan kumin inthlanpui lo awm tur chu Election Commission of India duhdan a chipchiar avangin Political party tinte pawhin fimkhur taka campaign an kalpui a ngai dawn a, an chevel zawng zawng chik taka thlithlai rengtu Static Surveilance team leh team dang tamtak a awm dawn avangin uluk taka thil tih a ngai dawn a ni, a ti a ni.

Vawiin meeting-ah hian political party aiawh tinte nen inrawn tlangin inthlan campaign laia hmanraw pawimawh te man (rate) en hova bithliah nghal a ni. Meeting-ah hian sawrkar mi pawimawhte bakah pol. Party te an tel a ni.