Saiha District chhunga karkhat chhung hman “Faina Hapta- 2013” kharna inkhawm chu tukin zing dar 7 : 00 AM khan Saiha Bazar Traffic Point-ah neih a ni.

He “ Faina Hapta-2013” kharna inkhawm Pu John LT. Sanga, Addl. DC, Saiha kaihruai ah hian khuallian Pu K. Pawhnie, Chairman, Town Planning, MADC, Saiha chuan thu sawiin Saiha  pawh nasa takin faina kawngah hma kan sawn tawh a ni tiin Kan Bible-ah pawh faina hi vawi zanga (500) ziah a ni a ti bawk. Faina Hapta chu tukinah khar ni mahse faina tak tak erawh tun atang hian bul kan tan chauh a ni a ti bawk, kan Mara Autonomous District Council pawhin Public Health & Sanitation dan siamthar chu April thla atang khan hman a ni tawh a, Faina kawngah hian hmasawn zelna tur tam tak kan nei a ni a ti.

“Faina Hapta-2013” hman chhung hian Faina lam hawi inelna hrang hranga ti thate hnenah lawmman semna hun hman nghal a ni a, lawmman dawngtute chu :-1. Office-i) District Jail, Saiha, ii) P.H.E. Saiha, iii) MADC, Saiha, 2.School-i) JoelPublic School, ii) Siahatla Primary School-III, iii)NewClolonyHigh Schoolte an ni a, tangkafai leh Certificate hlan an ni.

He Faina Hapta hman chhunga Chanchinbu, Faina lam hawi ziak tha ber Pu Jeffrey Khara, Editor Moonlight, Daily News Paper hnenah lawmman tangkafai leh Certificate  hlan a ni bawk. He “ Faina Hapta” kharna inkhawm ah hian Department hrang hrang hotute, Tlawmngaipawl hrang hrang hruaitute, Veng hrang hrang V.C. te, Chanchinbu mite leh MADC-a hotute leh Staff te  an tel tha hle a ni.