Nimin khan DC’s Office chamber-ah District Water and Sanitation Committee chu an Chairman Pu V. Lalremthanga, IAS, District Bawrhsap hovin an thukhawm.
He thutkhawmna-ah hian Pu V. Lalremthanga Chairman DWSC chuan Sanitation chungchanga Mamit District dinhmunte, Nirmal Bharat Abhyan (NBA) kalphungte leh Swachchhata Doot kalphung chungchangte sawihawnna neiin mipui mimir in thianghlimna kawnga tan kan lak lehzual a tul thu a sawi a. Er Lalsiamliana Member Secretary DWSC chuan NBA leh Swachchhata Doot kalphung sawifiahna neiin Mamit District in NBA hnuaia target awmsa leh hlenchhuah tawhte a report a, hetiangin:-
| Target | Hmalak tawh | ||
| 1. | Individual Household Latrine (IHHL) BPL | 5459 | 5334 |
| 2. | Individual Household Latrine (IHHL) APL | 2000 | 2000 |
| 3. | Community Sanitary Complex (CSC) | 50 | 46 |
| 4. | Solid and Liguid Waste Manegement (SLWM) | - | 4 |
| 5. | School Toilet | 352 | 352 |
| 6. | Anganwadi (Balwadi) Toilet | 222 | 219 |
Mamit District chhung-ah hian khaw fai lawmman Nirmal Gram Puraskar (NGP) dawng khaw 15 awm tawhin Rs 50,000/- theuh leh Certificate hlan an nih tawh thu report ah hian tarlan a ni bawk.
Meeting chuan hengte hi an rel bawk Community Sanitary Complex 4(pali) siam belh, School Toilet hmun 2(pahnih) a siam belh, IEC activities hnuaiah khaw hrang hrang a faina lam hawi Sign Board leh Banner te tar, khaw hrang hrang Sanitation chungchanga Baseline Result atanga a lan dan ah Mamit District chhungah Sanitation chungchanga nasa lehzuala kalpui leh khaw hran hran a Swachchhata Doot (Sanitation Messenger) ruat chungchang te an rel bawk.
He thutkhawmna ah hian Committee members te an tel kim a ni.
