Vawiin hian Serchhip District Level Standing Committee on Special Summary Revision of Electoral Rol, 2019 chu an Chairman Pi Sangchhin Chinzah, District Election Officer hovin a pisaah an thukhawm a. Special Summary Revision 2019 kal mekah Polling Station thar siam dilna leh Polling Station Building thlak dilna te an ngaihtuah.

Chairman Pi Sangchhin Chinzah chuan, inthlang ram kan ni a, mipuiten kokim taka ram hruaitute kan thlan theih nan Election Commission lamin a thawk nasa em em a. Vote thlaka kan kalna ber Polling Station neih dan phung pawh mumal leh chipchiar takin dan a nei a ni. Chu a dan ruahman ang leh vote thlaktu mipuite mamawh ang zia zelin Polling Station siam thar te, Polling Station building thlak (sawn) te tih theih a ni a. Dilna te endika, a hmuna endikna neih leh vek a nih hnuah District Level Standing Committee in a pawm sak theih chuan thuneitu sang zawkah thehluh thin a ni, tiin Polling Station siam thar leh tihdanglam dan tlangpui a sawi hmasa a. Members te an kal that avangin lawmthu a sawi bawk.

Pu Vanlalhmachhuana, Election Officer chuan Serchhip District chhung Assembly Constituency pathuma Polling Station tih danglam ngai, verification an laka a dinhmun an zirchian hrang hrangte a sawifiah a; 26- Serchhip A/C chhungah, Thenzawl khaw huamchhung bikah Polling Station pali siam belh niin a awmsa paruk nen avaiin Polling Station sawm (10) awm tawh tura ruahman a ni a. New Serchhip III P/S atana IOC Primary School hman thin chu PCR H/S ah sawn tawh tur a ni ang a, Buangpuia Govt. P/S building Polling Station atana hman thin chu Govt. M/S ah sawn a ni ang. 27-Tuikum AC huam chhungah Baktawng II & III Polling Station tia sawi thin kha 27/7 Chhuanthar Tlangnuam I leh 27/8 Chhuanthar Tlangnuam II tia thlak tawh tur a ni ang. Tin, 27/29 Thinglian Polling Station chu Govt. M/S building ah sawn a ni bawk. 28 Hrangturzo A/C huam chhungah 28/1 Hriangtlang Polling Station atana Govt. P/S building ni thin chu Govt. Hriangtlang M/S building ah sawn tur a ni a, 28/3 leh 28/4 Biate a Polling Station I&II in Zialung Community Hall an intawm thin pawh 28/4 Biate II zawk hi Govt. P/S building ah sawn a ni bawk ang. Tin, 28/5 Piler Polling Station atana Govt. Piler P/S hman thin chu Govt. M/S building ah sawn a ni bawk ang.

Heng Polling Station thar leh a hlui sawn ngai dilna lut, verification lak vek tawhte hi vawiin Committee hian pawmpuiin, Party hrang hrangten hming an ziak a, thuneitu sang zawka pawmpui turin an rel a ni.