Vawiin khan Aizawl District Level Standing Committee chu Aizawl Bawrhsap, Dr. Franklin Laltinkhuma, IAS hovin an thukhawm a, member 30 zet an kal.

He Committee hian January 2013-a Electoral Roll buatsaihna atana thil pawimawhte thlir hovin, Political Party tin aiawhte pawh an ko khawm a; Polling Booth thenkhat chu tihdanglam ngai te en in, Booth Level Agents (BLA) ruat chungchangte an thlir a; Party tinte chu he Electoral Roll Revision huna BLO te pui tura siam tura ngenna an chhan that vak loh avangin, in chingfel thuai thuai se a that thu hriattir an ni. Tun June thla chawhnu lam atang hi chuan Election lama mawhphurtute chu kawng hrang hranga hma lak char char a tul tawh avangin inthlahdah lova, a fel thei ang bera mahni hna ti theuh turin DC chuan AERO te a fuih a ni. Party mite pawh dik taka chingfel tura Official te pui tura beisei an ni.