District Level Students Science Seminar 2009 chu vawiin chawhnu dar 1:00 khan Saikuti Hall, Lunglei-ah neih a ni. He Seminar hi Pu P.C.Hranghnuna, SDEO in a kaihruai a ni. He Science Seminar topic atan Chandrayan Promises and Concerns tih hman a ni. He Science Seminar-a khuallian chu Pu R.Lalramnghaka, Addl. D.C., Lunglei a ni a. Thu sawiin Lunglei District huap Science Seminar pawimawh tak neih a nih avangin lawmthu a sawi a ni. He Science Seminar hian sikul naupang rawn kal zawng zawngte hnenah Science pawimawh zia an thinlungah thu a sawi ka beisei a ni, a ti. Science hian Pathian thil siam chi hrang hrang a zira, kan nitin mamawh hi Science atanga siam chhuah vek a ni a ti. Science thiltum chu finna hmanga thutak haichhuah a ni a, Pathian thilsiam zawng zawngte hi Science chuan a zir a, chuvang chuan kan damchhung hun hi zirna in a khat tur a ni, a ti. Science Temperement neizual zel turin tan i la ang u, a ti bawk.

He Seminar ah hian sikul 7, GHSS Lunglei, BHSS Serkawn, Sacred Heart School, Silver Mount School, Holy Faith English School leh Saphrang Memorial School ten Seminar topic presentation an nei a ni.