Vawiin chawhma dar 11:00 Am hian Lawngtlai DC Conference Hall-ah Lawngtlai District Level Systematic Voter’s Education and Electoral Participation (SVEEP) Committee chu District Election Officer Pu. J. Hmingthanmawia, MCS hova neih a ni a, Election Awareness Observer Pu Pankaj Pandey, IIS chuan a tel pui.

Vawiina Systematic Voter’s Education and Electoral Participation Committee thukhawm hian kumin inthlan pui neih tura mipui ten tha taka vote an thlak theihna tura hma an lak tawh dante an thlir let a, thutkhawm hmasa lama an lo rel tawh Lawngtlai District chhunga vote tlak tlemna thin thlan chhuah tun tuma zau zawka mipuite zirtir tulna hmun nia hriatte kalpui zel dan tur an sawi ho bawk.

Hei bakah hian Voter’s Facilitation Centre tinah Electoral Roll mipuiten awlsam taka an en mai theih tur dah chhuah dan tur leh thingtlang khaw tina Village Council kal tlanga Electoral Roll chhawp chhuah dan turte an sawi ho bawk. Tin, vote thlak hunlai hi buh leh thlai dangte seng hunlai a nih avangin mi tam tak ten vote thlak ngaihsak lovin an lo lamah hna thawh an lo duh zawk palh thei a, SVEEP Committee chuan mipui thlan sawrkar neihna ram a nih ang takin mitinte chu vote thlak ni chauh chu hunawl insiam hram tura ngen ni se an ti bawk.

Media Centre siama chanchinbumite leh TV Operators te nen tang hova mipuite vote thlak theuh tura a tam thei ang ber ngenna leh inzirtirna tihchhuah ni se tiin an rel bawk.