Vawiin hian Lawngtlai District Level Media Certification and Monitoring Cell chu an Chairman Pu J. Hmingthanmawia, MCS, District Election Officer ni bawk hovin Lawngtlai DC’s Conference Hall-ah an thukhawm a, Awareness Observer Pu. Pankaj Pandey, IIS, in he Committee hi a tel pui bawk.

District Level MCMC thukhawm hian inthlanna neih chhunga Media chi hrang hranga Political Party te leh Candidate te inpho chhuahna thil chi hrang hrang rang taka lo hriat zung zung dan turte, sms hmanga thu thawndarh lo hriat ve zung zung dan turte, Internet lam bikin Social Network (Facebook, etc.) lama Party leh Candidate te inzawrhna lo hmuh ve thuai dan turte sawi ho a ni.

Paid News leh tih bik nei report Newspapers leh TV lama lo lang a piangte a hun taka action lak dan turte, Banner leh Poster, etc. phalna la hmasa lova tar chhuahte sawrkar mekte fakna lam hawia sawrkar programme kal lai fakmawinate leh MCMC kal tlanga mipuite hrilh hriat tur chi awm thei ang angte kalpui dan tur sawiho a ni bawk.

He thutkhawmah hian Lawngtlai District huam chhunga chanchinbu hrang hrang aiawh, political party hrang hrang aiawh leh khaw tina Cable TV Sub-operators mahnia programme thawnchhuak ve thei chin hote chu kohkhawma Media chungchanga Election Commission of India in kalphung a lo zam tawh chu chiang taka inhrilh hriatna hun neih nise an ti bawk.