Vawiin khan Aizawl D.C. Committee Room-ah Mizoramin Inthlanpui a hmachhawn tur a Aizawl Constituency chhung bika Assistant Expenditure Observer-te (AEO) training pek an ni.

Training hi Pu James Lalnunmawia, AMC, Secretary-in a pe a. Aizawl Constituency tinah AEO pakhat zel ruat niin, reserve pahnih dah an ni bawk. AEO a ruat te hi Mizoram University leh Pachhunga University College-a Department hrang hrang a Assistant Professor te an ni.

AEO-te hi Expenditure Observer (EO) kaihruaina hnuaiah an thawk anga, a hnenah report an thehlut thin dawn a ni. An bial chan theuh hi tlawh fovin, candidate te senso uluk takin an thlithlai thin dawn a ni.