District Level Task Force (Tabacco Control) leh Anti Tabacco Squad te chuan vawiin khan D.C Conference Hall, Mamit ah an Chairman Pi Lalbiaksangi District Bawrhsap kaihruaina in thukhawm.

District Bawrhsap chuan Zuk leh hmuam chu mihring hriselna khawih pawi thei a nih avangin Sorkar pawhin a do kawnga hmalakna a ngai pawimawh hle a, Mamit District Anti tobacco Squad te hmalakna chu fakin arah hmuh tur tam tak a awm tawh a, hemi kawngah hian lawmman hrang hrang pawh lak a lo ni tawh a ni a ti, chutih rual erawh chuan tan lak sauh kan la ngai a ni a ti bawk.

Vawiin meeting hian Anti Tobacco Squad drive chu karkhatah vawi khat tal puipunna hmuna meizu vaia fehchhuah ni se tiin a rel a, hei bakah hian Sorkar Office leh puipunna hmuna meizuk that loh zia inzirtirna te tar thar leh ni se, School naupang te zinga zuk leh hmuam that lohzia inzirtirna neihte leh School atanga Yard 100 aia hnaia hetiang lam chi reng reng zawrh khap tlat a nih thu te, tilui dan bawhchhia chu man theih an nih thu te dan bawhchhia an awm leh awm loh te endik an ni bawk ang.

Mamit District chhunga Bialtu MLA tena Model Village a tana an puan chhuah khaw pathum atangin Dapchhuah khua chu Tobacco Free Village atan meeting hian an thlang a, hemi atana hmalakna hrang hrang kalpui nghal tum a ni.

Mamit District Anti Tobacco Squad te hmalakna a vang hian Mamit District chuan Zuk leh Hmuam that loh zia Signboard tar, COPPA Act leh Public Place a meizuk tlakhniam kawngah kum 2013 khan lawmman pakhatna an lo la tawh a ni.