No.203/2021-2022

Dated Champhai, the 20th April, 2021: Covid-19 hrileng laka him tlanna tura Mizoram sawrkarin inkhuahkhirhna thupek a siam bawhzuiin vawiin chawhnu khan Champhai khawpui chhunga inkhuahkhirhna kalpui dan tur chu DC Conference Hall-ah Bawrhsap Pi Maria C.T Zuali hova rel a ni.

Bawrhsap leh District Level Task Force on Covid-19 Chairman ni bawk Pi Maria C.T Zuali chuan Covid-19 hrilengin kiam lam pan lova zual lam a pan zel avangin mitinte chu kan himna tura sawrkarin dan zawm tur a duante zawm hram hram turin a ngen a. Covid-19 thawhhnihna lo thleng mekah ramri depa awm Champhai District chu chhak leh thlang lam atanga inven tawn ngai a nih angin fimkhur zual a ngai a, inralring renga kan awm a tul a ni, a ti. Sawrkar Official, khawtlang hruaitu leh Champhai District mipuite chu thuawihna nunpuia, lungrual leh thahnemngai taka thawhhopuiah a sawm nghal a ni.

Pu Lalnunfela Chawngthu, SDO (Sadar) in sawrkar inkhuahkhirhna thupek chhuah chungchang a sawizau a. Government of Mizoram, DM&R Order No B.13021/101/2020-DMR/Vol-III Dated 19th April, 2021 chu District Level-ah pawh hman ve nghal tur a nih ang leh hemi order-in a sawi bakah hian Champhai District Hqtrs. chhunga inkhuahkhirhna kalpui dan tur chu a hnuaia mi ang hian District Magistrate Pi Maria C.T Zuali chuan hriattirna a chhuah a ni.

A. Bungraw chawkluh leh thiar chungchang:

1. District pawn/State pawn atanga bungrua lalut tur leh unload tur neite chuan an mahni veng VLTF te hnenah a hma niin an lo in report lawk vek tur a ni a, an bungraw thlen hun tur a an beisei hun an hrilh tel nghal tur a ni.

2. Bungraw lalut tur motor-te chuan zan dar 8:00 PM pelh hmain Khankawn Police Checkgate an pel hman tur a ni a, zan dar 11:00 PM thleng load leh unload phalsak an ni ang. Dar 8:00 PM a Khankawn Checkgate thleng hman lo te chuan khaw daiah an lo nghak ang.

3. District pawn/State pawn atanga bungrua phur lut motor-te chu an bungrua unload zawh velah an haw leh nghal tur a ni a, workshop-a motor check ngai an awm a nih chuan VLTF ah in report tur a ni. Driver-te hian Khankawn Police Checkgate-ah driving license/document an thehlut tur a ni a, an haw dawnah an lam leh ang.

B. Zin veivah leh mipui chet vel chungchang:

1. Tul bik thil heng - chhiat tawh, damlohna leh eizawnna thil pawimawh bik a nih loh chuan zin veivah loh tur.

2. District pawn/khaw hran atanga Champhai zan riaka cham turte chu an thlenna VLTF ah an in report zel tur a ni.

3. Loh theih loh avanga pawn chhuah ngai/ zin chhuak tur (chhiat tawh, damlohna, ei leh in lam tur etc.) an awm a nih chuan VLTF lehkha an la hmasa tur a ni.

4. VLTF ten permit an siam a nih chuan an permit-ah seal an chhu ngei tur a ni. Seal hi VLTF seal a hranpaa an nei lo a nih chuan VC/YMA seal an hmang thei ang.

C. Bazar leh chawhmeh zawrhna chungchang:

1. Inrinni bikah Bazarpui khar tur a ni a, chutih rualin mipui mimir-in awlsam zawka thlai leh chawhmeh an hmuh theih nan veng hrang hrangah leh hmun tam zawkah chawhmeh lei theihna tur VLTF ten ruahmanna an siam ang.

2. Chawhmeh/thlai zawrhna VLTF ten an siam hi hmun zawl zau (School kawt/Hall kawt etc.) ah siam tur a ni.

3. Dawr hawn phal a ni a, amaherawhchu dawr nghaktu ten an mahni dawr tute in hnaih taka awm lo turin rinbial/hrui thlun an siam tur a ni. Dawr nghaktu zawng zawng ten hmai an tuam ngei ngei tur a ni. Dawr a thil lei turte chuan VLTF lehkha an la hmasa tur a ni.

D. Sorkar hnathawk leh Sorkar sum atanga hlawh la te chu Covid-19 duty turin hmun hrang hrangah an awm ang a, an ni hian mipui veivak leh Covid SOP zawm lo te an lo check thin ang.

E. Pawimawh dangte:

1. Tupawh khawlaia chhuakte reng reng VLTF duty-te tiamin hmai an tuam ngei ngei tur a ni a, feet 6 aia inhnaihin tumah awm loh tur a ni.

2. Tul bik thil - damdawi lei, buhfai/ration lak, chawhhmeh leh ei bar lei tura chhuah lawk – tih loh ah chuan tumahin mahni in leh compound an chhuahsan tur a ni lo.

3. Tuman khawlaiah chil chhak loh tur, a tilui chu dan ang a hrem tur an ni.

4. Puipunna lam thil reng reng la huai hawt loh tur a ni. Inneih lawmna (reception), lungphun, anniversary leh birthday lawmna, games & sports, book release, politics leh pawl thil a kalkhawmna, intihhlimna chi reng rengte he hun chhung hian huaihawt phal a ni lo.

5. Inneih inkhawm, mitthi vuina leh khawhar inah mi 30 ai tam pun khawm phal a ni lo.

6. Loh theih loh thil a nih loh chuan, kum 65 chin chunglamte, taksa hriselna lama harsatna nei sate, nau paite leh naupang kum 10 hnuailamte mahni inchhungah inkharkhip vek tur a ni.

7. Public park, picnic spot, movie theatre, gym, community hall, mall leh intawllenna hmun zawng zawng chu khar tur a ni.