No.3281/2019-2020

Vawiin khan DC Conference Hall Mamit-ah Dr. Lalrozama, District Bawrhsap/Chairman, District Level Task Force On COVID-19 kaihhruaina-in Novel Coronavirus laka Mamit District himna tura hmalakna thlirletna leh kal zel dan tur ngaihtuahin thutkhawm a ni.

Meeting- ah hian COVID-19 laka District chhung mipuite kan himna tura Sawrkar Laipuiin Lockdown a puan belh chungchanga hmalakna tur hrang hrangte sawiho a ni a. COVID - 19 laka mipuite kan himna atana Sawrkar laipui thupekte tha taka zawm turin Committee hian mipuite a ngen a. He Lockdown kalpui chhung hian mipui mimir te'n harsatna an tawh lohna tura ruahmanna a siam zingah hian ei leh bara harsatna nei, chhuanchhama awmte tan Village Level Task Force-te hnenah in hriattir tur a ni a, Anni hian 4th IR lama thawktute nen ruahmanna felfai zawk siamin bungruate hi a tul dan anga deliver tura tih an ni .

Vawiin Meeting hian Mamit khawpui chhunga mimal lirthei hmanga tuichawitute chu mumal leh rualkhai zawka kan kal theih nan an mahni vengchhung theuha, Village Level Task Force te kutah dah an ni bawk a. Police Mobile Team din niin Petrolling neih a nih dawn avangin, mipuite chhuaklo tura thupek kan nih angin pawn chhuaklo tura beisei kan ni.

District Level Task Force on COVID -19 te chuan Sawrkar Laipui, Mizoram Sawrkar thuchhuak anga Novel Coronavirus (COVID - 19) laka kan him theih nana, Lockdown kalpui mekah mahni veng chhung theuha, Village Level Task Force te thu ngaichanga zawm theuh turin mipuite a ngen nawn leh a. VLTF duty-te pawh mipui harsatna bik nei, damlohna thil emaw, tul zual bikah chuan mipuite harsatna hrethiam taka hmala turin a ngen bawk a. Mamit khawpui chhunga Village Council paruka Village Level Task Force te'n a tul anga an hman atan Rs 5,000/- ( sangnga) theuh hlan an ni bawk a ni.

Vawiin Meeting-ah hian Mamit khawpui chhunga Village Level Task Force Chairman te bakah District Level Task Force On COVID-19 members te an tel tha hle a ni.