Vawiin khan DC Conference Hall Mamit-ah  District Level Task Force (Tobacco Control)/Anti Tobacco Squad chu an Chairman Pi Lalbiaksangi, District Bawrhsap kaihhruaina in thutkhawm a ni.

Vawiin thutkhawmah hian kum 2017-2018 chhunga Anti Tobacco Squad  te hmalak tawhna te thlirho a ni a, Dr Nancy  Lalnunmawii District Consultant chuan  kumin kum kal lai mek a hmalakna hrang hrangte tarlangin. Anti Tobacco Squad drive hi vawi 51 neih tawh a  ni a, School naupangte tan vaihlo leh a kaihnawih that lohzia zirtirna school hrang hrangah vawi 7 fehchhuah a ni tawh bawk, mipui vantlang tana vaihlo leh a kaihnawih that lohzia zirtirna hi vawi 12 neih ni tawhin Vaihlo leh a kaihnawih sim duha Tobacco Cessation Clinic pan hi mi 151  awmah mi 61 (34.64%)  te chuan zuk leh hmuam an ban san bawk a ni.

Hei bakah hian Model village a tana thlan Dapchhuah leh Kanhmun te Tobacco Free Village a puang tura hmalak chhoh mek zel a ni a, khaw mipui a tam thei ang ber ten vaihlo leh a kaihhnawih that lohzia an hriat theihna turin zirtirna te neih thin a nih thu tarlan a ni.

Vawiin meeting-ah hian District Anti Tobbacco Squad member te ennawn a ni a, member thar in ruat a ni bawk. 

Meeting hian Naupang te-ah vaihlo leh a kaihhnawih that lohzia zau zawka hrilhriat an nih theihna turin Mamit khawpui chhunga Kohhran hrang hrang te  hnenah  Naupang Pathianni Sunday Sikul chawhnu hun dil ni se tih a ni bawk. 

District Anti Tobacco  Squad Mamit te hmalakna a vang hian Bazar leh vantlang punkhawmna ah te meizu an tlem phah thu meeting-ah hian tarlan a ni a, District Tobacco Control Cell, Mamit te hi vaihlo leh a kaihhnawih that lohzia zirtirna nei turin engtik lai pawhin Sorkar Department leh pawl hrang hrang tan  sawm theih an nih thu tarlan a ni bawk.

Meeting-ah hian Anti Tobacco squad Member te an tel a ni