Vawiin chawhnu dar 3:00  khan Lawngtlai DC Conference Hall ah Lawngtlai District Level Vigilance And Monitoring Committee thutkhawm a ni a, Pu CL Ruala, MP, Lok Sabha leh DLVM Committee chairman ni bawk chuan kaihruaiin Pu Lalhmingliana, MP Rajya Sabha, DLVMC Co-Chairman ni bawk chuan a tel pui bawk.

DLVMC Member mi 35 kalkhawmte hmaah thusawiin Pu C.L Ruala chuan tun tuma thutkhawm hi kumthar 2014 a thutkhawm hmasa ber leh tun financial year chhunga thutkhawm hnuhnung ber a nih tur thu a tarlang a. Kumthar kan chuangkai ang hian rilru thar nena kan ramin hma a sawnna tura kan inhlan thar tul a tih thu sawiin, tun hi kan dam chhunga ram tana thiltha kan tih theihna hun remchang chu a ni a ti a ni.

Vawiina thutkhawmah hian District chhunga hmasawnna kalpui hrang hrangte dinhmun thlirhona leh hmalak zel dan tur sawiho a ni a DRDA hnuaia kalpui IAY,BRGF,MGNREGA leh DWCDC(IWMP) te, PWD Department hnuaia kalpui PMGSY te, heng Department hrang hrang Soil, Horticulture Department, Forest Department leh LADC hnuaia IWMP kalpui dan leh an hmasawn dan te, LADC Sawrkar hnuaia National Social Assitance Programme kalpui mekte bakah Lawngtlai District chhunga BDO pathum hnuaia hmasawnna hrang hrang kalpui mekte dinhmun thlir hovin hma lak zel dan turte an sawi ho bawk a ni.

Vawiina meeting-ah hian Lok Sabha leh Rajya Sabha MP te bakah Minister of State for Fisheries Dr. BD Chakma bakah LADC CEM Pu V. Zirsanga te an tel a ni.