District Level Vigilance & Monitoring Committee, Mamit District chu vawiin chawhma dar 11:00 hian DRDA Conference Hall, Mamit-ah Pu Lalhmingliana MP(Rajya Sabha), Co-Chairman kaihhruaina-in neih a ni.

Pu Lalhmingliana Co-Chairman chuan a hun taka District Committee kan neih theih a vang leh Member telte te chungah lawmthu a sawi a, Meeting ngai pawimawha hna tul tak kalsan a tel thin MLA te chungah pawh lawmthu sawiin Meeting pawimawh a nih anga member te pawhin tun hnu zelah ngai pawimawh deuh deuh turin a chah bawk a ni. Chairman chuan Block Officer te chu an bial chhunga Scheme hrang hrang hnathawh vilna kawngah an naute ring mai lova a theih ang anga enfiahpui thin turin a ngen bawk. Pu John Rotluangliana Deputy Speaker pawhin thu sawiin Officer te chu an bial theuha hnathawh tur ruahman te bialtu MLA a theih ang anga hrilh hre ve thin tura ngenin harsatna an tawh te pawh inthlahrung lova an hnena thlen thin turin a ngen nghal bawk a ni.

He Meeting-ah hian Pu C. Lalpeksanga Project Director DRDA Mamit chuan 2011-2012 chhunga sum hmuh dan leh hman dan tlangpui a report a. MGNREGS hnuaiah chhungkaw 18173 te hnenah ni 30 inhlawhna pek an nih tawh thu te, IAY insak tanpuina chhungkaw 235 te hnenah pek a ni tawh thu te, Central Sawrkarin 2nd Instalment an pek loh avangin tun hnai maiah mipui inhlawhna pek theih an nih loh thu a sawi bawk.

Project Director chuan Mizoram Sawrkar duh dan anga khawtinah Job Card endik hna an thawh thu leh Job Cord 442 lai hmuh chhuah anih thu sawiin hei hi a lem hrim hrim ni lovin pem tawhte, inthenna a vanga mahni in lam kir leh te, Bru raltlanin an kalsante leh Missionary ten an Job card paihsak tura an ngen avanga paihsak an nih thu a sawi bawk.

He Meeting-ah hian Rural Development hnuaia Programme hrang hrang MGNREGS, IAY, SGSY, DRDA Administration, IWDP, IWMP, PMGSY, BADP, NLRMP, ARWSPTSC, NSAP, hmanga hmasawnna hna thawh kalpui dan report chipchiar ngaihthlak niin uluk leh fimkhur zawka hmalak chhoh zel ni se committee chuan a ti bawk.

He hunah hian Pu V.L Robiaka, MLA, ZIDCO Chairman, Reiek, W. Phaileng leh Zawlnuam BDO te leh member te an tel tha hle a ni