Vawiin khan Pu C. L. Ruala, MP (Lok Sabha) hovin I & PR Conference Hall-ah District Level Vigilance & Monitoring Committee on National Health Mission an thukhawm. He meeting-ah hian Pu R. Lalrinawma, Dy. Speaker; Lt. Col.  Z.S. Zuala (Retd.), Parliamentary Secretary; Pu Hmingdailova Khiangte, Parliamentary Secretary; Pu R.L. Pianmawia, Govt. Deputy Chief Whip; Pu Lalruatkima, MLA; Er. Lalrinawma, MLA leh official dangte an tel a ni.

He meeting ah hian agenda thenkhat Aizawl East leh Aizawl West District dinhmun report, National Health Mission hnuaia 2014 - 2015 leh 2015 - 2016 (April - June) chhunga hmalakna te leh nikum October 15 a DLVMC Meeting a an hmalak tawhte report ngaihthlak a ni.

Aizawl East District-ah hian Sub-DH - 1; Community Health Centre (CHC) - 1; Primary Health Centre - 7; Urban Health Centre (UHC) - 3; Sub-Centre - 54; Sub-Centre Clinic - 33; Private Hospital - 4 leh Mobile Medical Unit - 1 a awm a.

Aizawl West District chhungah DH/FRU - 1; Sub-DH - 2 (PPU & Falkawn Referral Hospital); Primary Health Centre - 6; Urban Primary Health Centre (UPHC) - 3; Sub-Centre - 37; Sub-Centre Clinic - 35; Mobile Medical Unit - 1 leh Sub Centre conducting delivery - 10 a awm a ni.