Vawiin khan Secretariat Conference Hall ah Task Force on Agriculture Development meeting hmasa ber chu Agriculture Minister Pu R. Lalzirliana hova neih a ni. He task force ah hian Chief Secretary Lalmalsawma chu Convener Member/Member Secretary a ni a. Agriculture leh a kaihhnawih Department Secretary te leh Director te chu Member an ni.

Pu R.Lalzirliana chuan Task Force din anih chhan sawiin, Agriculture leh a kaihhnawih Department hrang hrang ten hmasawnna awmze neia an kalpui theihna tur leh tum mumal tak nei a an kal theihna tur te Loneitute hlawk zawka an thawhrah an sengna tur a nih thu a sawi a. Department hrang hrang a thawk ten hmasawnna tak tak hmu ngei tura nasa leh zuala thawk tura a beisei thu a sawi lang bawk. A sawi zelnaah Agriculture Minister chuan kan rama kan thar chhuah ve theih ngei ni si State dang atanga kan lakluh tihtlem a, intodelh ve thei tura ngaihtuahna thar kan sen a tul tawh thu a sawi bawk.

He meeting ah hian Agriculture kaihhnawih Department hrang hrang Agriculture (CH), leh Research & Education, Animal Husbandry & Vety, Fisheries, Horticulture, Planning, Industries, Soil & Water Conservation, Revenue, Minor Irrigation, Collage of Vety Science leh ICAR Kolasib Secretary te leh Director te chuan an Department enkawla hmasawnna tur leh hmalakna tura an ruahmanna te an sawi chhuak a. Heng rawtna te hi sawrkar laipuia la thawn leh tur a ni.