1128/2026-2027

Dated Serchhip, the 23^rd June 2026: Serchhip District chhunga zirlaite hnena career kaihhnawih hriatna leh hmalakna tha zawk pek tumin, “Career Handbooks consisting of 500 Careers” leh “My Career Advisor’ App” chungchang zirchianna Workshop chu June 23, 2026 (Thawhlehni) zing dar 9:00 khan Government Serchhip Higher Secondary School-ah neih a ni. He programme hi Samagra Shiksha, Serchhip District, Institution’s Innovation Council, Government Zirtiri Residential Science College leh ZoCareer Solutions, Aizawl te tang hoa buatsaih a ni.

He programme hi Pu JR. Lalhruaitluanga, District Education Officer & District Project Coordinator, Samagra Shiksha, Serchhip-in a kaihruai a. Workshop-ah hian career thlan dan leh zirna kawng hrang hrang chungchang sawi ho a ni a, zirlaite hnenah an hmalakna tur kawngah kaihhruaina pawimawh tak pek a ni.

Chawhma session-ah Science Stream zirlaite tan programme buatsaih a ni a. Resource Person Dr. Lalhruaitluanga, Founder, ZoCareer Solutions & Assistant Professor & Chairman, Institution's Innovation Council, GZRSC chuan thupui hrang hrang sawiin zirlaite hnenah career remchang leh hmalam hunah hna leh zirna kawng hrang hrang awm dan a hrilhfiah a ni.

Science Stream session-ah hian Class XI zirlai 41 leh Class XII zirlai 52 an tel a, an vaiin zirlai 93 an ni.

Chawhnu lam session-ah Arts Stream zirlaite tan programme neih a ni bawk a. He session hi Dr. Lalrinmawia, Associate Professor & Chairman, Information & Communication Technology, GZRSC-in kaihruaiin Arts Stream zirlaite tan career remchang hrang hrang, higher education leh digital technology hmanga career planning dante a sawi a ni.

Arts Stream session-ah hian Class XI zirlai  leh Class XII zirlai  an tel.

Workshop-ah hian “Career Handbooks consisting of 500 Careers” leh “My Career Advisor’ App” hmanga career hriatna zau zawk neih dan, zirna kawng hrang hrang thlan dan leh hna remchang hrang hrangte zirlaite hnenah hrilhfiah a ni a. He programme hi zirlaite hmalam hun atan career planning tha leh thutlukna dik siam theih nana hmalakna pawimawh tak a ni.