Pu John Rotluanga Deputy Speaker chuan vawiin chawhma dar 10:30 khan ni hnih awh tur Laila Hall-a hman District Level Workshop on NLUP chu khuallian niin a hmanpui. He Workshop a hun a hman hma lak hian Laila Hall bul lawka awm New Colony High School a NLUP Exhibition chu a hawng bawk.
He Workshop ah hian thu sawiin Pu John Rotluangliana chuan Workshop a thil lut reng reng chu tha zawk a chhuah tir thin a nih ang hian nihnih chhung workshop in chhim hun ah chuan NLUP chungchangah ngaihtuahna thar dik leh rilru thar in put ngei ka beisei a ni a ti a. A sawi zelna ah Pu John Rotluangliana chuan NLUP hlawhtling tur chuan mipuiin roreltu dik leh fel an mamawh ang bawkin roreltute pawhin mipui dik leh fel an mamawh a, mipui leh sorkar kan dik chuan official te pawh kan diklo thei lo a ni a ti bawk. NLUP hmasa zawk hlawhtlin lohna chhan ah khan sorkar leh official te chauh ni lovin, mipui lam pawhin mawh nasa takin kan phur ve a ni a ti.
NLUP hi hausak thutna leh dinchhuah thutna lam ni lovin rethei taka kan awmna dinhmun atanga inkhai chhuaha, hmasawn zelna tur zawk a ni a ti a, mipui kalkhawmte chu NLUP hlawhtlinpui ngei tura an rilru inbuatsaih theuh turin a chah hlawm a ni.
He workshop ah hian Pu Kunal IAS, Deputy Commissioner, Saiha kaihhruai ah hian khualzahawm Pu S. Khipo, CEM, MADC chuan thu sawiin Saiha district mipui ten NLUP an hlawhtlinpui theih nana hetiang workshop NLUP Implementing Board in an buatsaih thei chu lawmawm a tih thu a sawi a. Saiha district chhung mipui ten an hlawhtlinpui ngei a beisei thu a sawi bawk.
Deputy Speaker Pu John Rotluangliana hi Pu Zorammuana, Secretary, NLUP Implementing Board leh official thahnem takin an tawiawm a ni.
NLUP hi hausak thutna leh dinchhuah thutna lam ni lovin rethei taka kan awmna dinhmun atanga inkhai chhuaha, hmasawn zelna tur zawk a ni a ti a, mipui kalkhawmte chu NLUP hlawhtlinpui ngei tura an rilru inbuatsaih theuh turin a chah hlawm a ni.
He workshop ah hian Pu Kunal IAS, Deputy Commissioner, Saiha kaihhruai ah hian khualzahawm Pu S. Khipo, CEM, MADC chuan thu sawiin Saiha district mipui ten NLUP an hlawhtlinpui theih nana hetiang workshop NLUP Implementing Board in an buatsaih thei chu lawmawm a tih thu a sawi a. Saiha district chhung mipui ten an hlawhtlinpui ngei a beisei thu a sawi bawk.
Deputy Speaker Pu John Rotluangliana hi Pu Zorammuana, Secretary, NLUP Implementing Board leh official thahnem takin an tawiawm a ni.
