No.7111/2020-2021 

Kan rama hripui leng mek COVID-19 laka mipuite kan him zel theih nana Govt. of Mizoram, DM & R Deptt. Order No. B-13021/101/2020-DMR/V01-111 Dt. 08.01.2021 thuchhuak  bawhzuiin pawn chhuah khapna thupek chhuah a tul a; Chuvangin, Section 144 CrPC (Act No. 2 of 1974) in thuneihna a pek angin, District Magistrate, Aizawl District chuan Aizawl City area huamchhungah Ni 11 January, 2021 atanga thu leh awm hma chu zan tin dar 8:00 PM atanga a tuk zing dar 4:30 AM thleng pawn chhuah a khap tlat a, he thupek hian a hnuaia tarlante hi a huam lovang;

1) State Level Task Force on CoVID- 19 Member-te
2) District Level Task Force on CoVID- 19 Member-te
3) Local/ Village Task Force on CoVID-19 Member-te
4) Army, BSF, CRPP, Assam  BRTF duty
5) Magistrate leh Police duty leh Home Guard duty
6) Hospital a thawk Doctor, Nurse leh thawktu dang
7) Chanchinbumi leh electronic media a thawktu zawng zawng DDK leh AIR tiamin
8) Petrol pump a zan lam thawkte
9) Fire and Emergency Services duty
10) Power and Electricity Deptt. hnuaia power supply buaipuitu
11) Prison a duty
12) Excise and Narcotics Deptt. enforcement mite
13)Medical emergency avanga Damdawi pantu leh chhungkuaa thihna avanga veng danga kal ngai, an veng LTF te lehkha keng
14) Private Security Service
15) Essential commodity phur leh Home Deptt. atanga phalna neite
16) Disaster Management buaipuitu Official te
17) PHD Department-a emergency leh night duty te
18) I & PR Department official night duty te
19) Kohhran Hruaitu Kohhran thil pawimawha Kohhran motor-a chhuakte
20) General Reserve Engineer Force (GREF) workers
21) State Election Commission, Mizoram hnuaia LADC Election leh AMC Electoral-Roll buaipuitute
22) District Magistrate leh Sub-Divisional Magistrate in phalna a pek te