2517/2022-2023
President of India Pi Droupadi Murmu chuan Dt. 3.11.2022 leh Dt. 4.11.2022 hian Mizoram a rawn tlawh dawn a. Programme a neihna tur hmunah venhimna tha taka kalpui a nih theihna turin thupek chhuah a lo ngai leh ta a. Chuvangin, Dr. Lalhriatzuali Ralte, IAS, District Magistrate, Aizawl District hian Section 144 of CrPC 1973 in thuneihna a pek angin a hnuai ami ang hian Thupek a chhuah:

“Dt. 3.11.2022 leh Dt. 4.11.2022 hian mi tumahin Lengpui, Sairang, ITI Mualpui, Mizoram University, Pachhunga University College leh Raj Bhavan chungah te Remote Control hmang Drone Aerial Camera leh hetiang lam chi reng reng thlawh tir tur a ni lo".

He thupek bawhchhia an awm a nih chuan an Drone/Aerial Camera te
man/kahthlak sak a ni ang a, an chungah dan angin hremna lek a ni ang. Amaherawhchu he thupek hian Sawrkar-a Competent Authority in hetiang ti tura phalna bik a pek te a huam lovang.