Vawiin ah khan Aizawl District Magistrate Dr.Franklin Laltinkhuma chuan CrPC ,1973 (Act No.2 of 1974) Section 144 tlawhchhan in tuna Assam Riffles’ Ground (Lammual) a N.E. Trade Expo chu dan kalh a huaihawt a nih avangin ti tawp nghal turin thupek a chhuah.

District Magistrate thupek ah hian Mizoram chhunga sumdawnna kalpui tur chuan pawnlam mi, sumdawng-te tan, kum 1972 hmalam a Mizo District lo ni thin in Trade Licence a pek chhuah an neih ngei ngei a ngaih thu tarlan a ni a. Heng Trade Expo a hralhchhuah bungrua te hi North East States chhunga siam a nih loh piah lamah Foreign bungrua a nih leh zel vangin dan kalh a ni a ti a. MIMA in N.E. Trade Expo huaihawt tu ten thuneitu hnen atangin phalna an la hmasa lo tih hekna a thehluh pawh Magistrate in a zirchian hnuah a pawmsak a ni a ti a. Aizawl District Magistrate hian tuna chinah Aizawl District chhungah reng reng thuneitu phalna la hmasa lova Trade Expo huaihawt a khap a ni tih a tarlang bawk.