Ni 30/1/2017 khan Mamit District Magistrate Pi Lalbiaksangi MCS chuan 144 Cr. P.C 1973 in thuneihna a pek angin mipuite him zawk nan W. Phaileng leh Marpara inkar kawng chu a mualzim vang leh kawng chhuat bal avangin motor accident a thlen phah fo thin a, hemi laka mipuite leh motor khalhtute kan him zawk nan khapna thupek chhuah a tul avangin hetiang hian khapna thupek a chhuah:-
W. Phaileng leh Marpara inkar kawngah hian motor lian chi Long Body (Multi-Axle) leh motor 15 MT (motor rihna nen) aia rit phur reng reng kal phal a ni lo.
He thupek zawm loa, bawhchhiate chu Section 188 IPC hmangin hrem an ni ang. He thupek hian chhuah a nih atanga thla 2 (hnih) chhung a huam ang.
