Pi Sangchhin Chinzah, District Magistrate chuan halpuah, halmawi leh puak thei thil dang khapna thupek a hnuai ami ang hian a chhuah:
Halpuah leh Halmawi hian nasa takin mihring hriselna a tichhe theiin, boruak a tihchhiat leh tih bawlhhlawh mai bakah ri bengchheng a siam a, silai lem a mu nei chite hian mihring piansualna a thlen tak fo bakah tul lova sum khawhralna a ni bawk. Chuvangin, Serchhip District mipuiten hriselna tha tak kan lo neih theih nan leh sum leh pai tam tak kan khawhral loh nan heng hunpui kan neih chi hrang hrang- Krismas, Kumthar, Dewali leh inthlanpui hlim tak leh thlamuang taka kan lo hman theih nan khapna thupek chhuah tulin ka hria a.
Kei, SANGCHHIN CHINZAH,MCS, District Magistrate, Serchhip District, Serchhip hian Sec. 144 CrPC, 1973 in thuneihna min pek angin hetiang hian thupek ka chhuah e.
Serchhip District huamchhungah Krismas leh Kumthar vuakvetah-
1. Halpuah,
halmawi leh puakthei thil dang boruak thalo siam thei leh ri bengchheng siam
thei chi reng reng lakluh, zawrh, hralh, hal leh hman khap a ni.
2. Naupang silai lem mu hmang chi reng reng zawrh leh hralh khap a ni.
He tupek hi Security Force, Paramilitary Force leh mipui mimir zawng zawng tumah thlei bik awm lova zawm vek tur a ni.
Thupek hian thu leh awm hma loh chu puan a nih atanga thlahnih(2) chhung a huam ang.
He
thupek hi Ni 1st November, 2018 hian Court Seal chhu-a nemnghetin
hming ka ziah hnan e.
