Vawiin khan Aizawl District Agriculture Office chuan Organic Fair, 2018 Sialsukah a buatsaih a. Fair hi Central Scheme Paramparagat Krishi Vikas Yojana (PKVY) hnuaia neih niin District Agriculture Officer Pu Lalnunzira chuan a hawng a ni.

Fair-ah hian Sialsuk, Sailam, Sumsuih, Samlukhai leh khawdang atangin loneitute thlai thar chhuah pholan a ni a. Agriculture Department chuan PKVY hnuaia loneitute thar chhuah buh chi hrang hrang, bekang, chhawhchhi leh chana man tlawm zawkin an hralh a ni. Fair neihna hmunah hian organic training neih nghal a ni a, Mission Organic Mizoram (MOM) atangin mithiam tak tak leh loneitute chuan organic farming chungchang inhrilhhriatna an nei a ni.