Pi Sangchhin Chinzah, MCS, District Magistrate, Serchhip chuan a hnuai a mi ang hian thupek a chhuah.

Tunlai hian Mizoramah Vawk hri, Porcine Reproductive and Respiratory Syndrome (PRRS) leng a reh lo nia rinhleh a ni a. Hemi hrileng avanga Serchhip mipuite tan buaina/harsatna a thlen loh nan, Section 144 CrPc hmanga khapna thupek chhuah hi thil tul tak, tih loh theih lohah ka ngai a ni.

Chuvangin, kei, SANGCHHIN CHINZAH, MCS,District Magistrate, Serchhip District hian Section 144 of CrPc 1973 in thuneihna min pek angin thenawm ram (neighbouring States/country) leh District dang atanga vawk leh Vawksa atanga thilsiam reng reng lakluh khap tlat a ni tih thupek ka chhuah e.

He tupek hian thu leh awm hma chu puan a nih atanga thlahnih (2 months) chhung a huam ang.

He thupek zawm lo chu Section 188 IPC dan hmangin hrem theih a ni ang.

He thupek hi vawiin Dt.25th March, 2019 hian District Magistrate Seal chhua nemnghetin ka hming ka ziah hnan e.