15th Finance Commission member te vawiin khan Aizawl an lo thleng. Finance Commission memberte hi an Chairman NK Singha’n rawn hoin, amah hi MP lo ni tawh niin, India sorkarah Secretary hna alo chelh tawh thin bawk a ni. Member dang panga in rawn zuiin, chungte chu A.N.Jha, 14th Finance Commission a Secretary lo ni tawh, Dr.Anoop Singh, Adjunct Professor, Georgetown Univeersity, Dr. Ashok Lahiri, Chairman, (non executive, part time) Bandhan Bank, Dr. Ramesh Chand, Member, NITI Aayog leh Arvind Mehta, IAS, Secretary te an ni.

Finance Commission member te hi Ministry of Home Affairs in a hranpa-a thlawhtheihna ruahmansakin vawiin chawhma khan Lengpui Airport ah an lo tum a. Airportah hian Chief Secretary Pu Lalnunmawia Chuaungo hovin Finance Secretary leh DGP ten an lo dawngsawng a ni.

Finance Commission member te hi Mizoram sorkar hotulu te nen vawiin chawhnu vek khan Secretariat Complex Conference Hallah meeting an nei zui mghal a ni.