Pi Sangchhin Chinzah, MCS, District Magistrate, Serchhip chuan a hnuai a mi ang hian thupek a chhuah.

District A.H & Vety Officer, AH & Vety Department, Serchhip District hnen atanga lehkha kan hmuh angin tunlai hian Mizoramah Vawk hri, Porcine Reproductive and Respiratory Syndrome (PRRS) leng a la reh lo nia rinhlelh a ni a. Hemi hrileng avanga Serchhip mipuite tan buaina / harsatna a thlen loh nan, Section 144 CrPc hmanga khapna thupek chhuah hi thil tul tak, tih loh theih lohah ka ngai a ni.

Chuvangin, Kei SANGCHHIN CHINZAH, MCS, District Magistrate, Serchhip District hian Section 144 of CrPc 1973 in thuneihna min pek angin thenawm ram(neighbouring States/Country) leh District dang atanga vawk leh Vawksa atanga thilsiam reng reng lakluh khap tlat ani tih thupek ka chhuah e.

He thupek hian thu leh awm hma chu puan a nih atanga thlahnih (2 months) chhung a huam ang.

 He thupek zawm lo chu Section 188 IPC dan hmangin hrem theih an ni ang.

 He thupek hi vawiin Dt 25th September, 2019 hian District Magistrate Seal chhua nemnghetin ka hming ka ziah hnan e.