Vawiin chawhnu khan Social Welfare & Tribal Affairs Minister Dr. K. Beichhua chuan a office chamber-ah October Ni 1, 2019 International Day for Older Persons pualin Mizorama kum 100 dam tling chawimawina hun a hmang.

Dr K Beichhua chuan,” Upate chu rohlu an ni a, kum rei tak dam tur hian taksa enkawl that te leh hriselna kawng ngaih pawimawhna lamah taimak a tul a ni,” a ti. Mizoramin International Day for Older Persons a hman turah Dr K Beichhua chuan upate awmna chhungkaw tin ten upate duat thiam a, zahna leh hmangaihna lantir chhunzawm a, upate hlutna hre thar zel turin a chah.

Dr Beichhua chuan upa kum 100 tling chinte chu kum tin chawimawina pawisa fai leh thuziak hlan an nih tawh tur thu sawiin,” A dawng tawhte pawh in min dampui zel anga, chawimawina pek chhunzawm zel in ni ang,” a ti. Dr K Beichhua chuan Mizoram Upa Pawlte ngenna angin  ‘Tar Pension’ tih chu ‘Upa    Pension’ tia thlak a nih tawh thu a sawi bawk a ni.

Upate puala chawimawina hi Mizoram Upa Pawl aiawhten an dawn sak a,  chawimawina dawngte hi  Mizoram pumah mi 17 niin, hmeichhia 11 leh mipa 6 an ni.

Upa kum 100 tling chaiwmawina dawngte:
1. Lalrovi w/o TC Thangvela (L) Kum 101, Tlungvel Venghlun
2. Darchuailova s/o Vaidinga (L) Kum 101, North Lungleng
3. Rokuma s/o Changa (L) Kum 100, Ratu
4. R Saptawna s/o Tawnhlelha (L) kum 100, Sihphir
5. Nokungi d/o Lallumtuala Ralte Kawlni kum 100, College Veng Aizawl
6. Zabuangi Bawitlung w/o Chhunphunga (L) Kum 102, Bethlehem Veng, Aizawl
7. Chhunkaii w/o Laltawka (L) Kum 101, Republic Vengthlang
8. Thangmawii w/o Suakhleia (L), Kum 100, Saitual Venglai
9. Diauva s/o Zathangvunga (L) Kum 100, Tlungvel Vengthar
10. Biakleti w/o Rotuaka (L) Kum 100, Ramhlun Vengthar
11. Thanchhungi d/o Taipuia (L) Kum 100, West Phaileng Dinthar
12. Rochuhthangi d/o Suakbawnga (L) Kum 100, Vanghmun, Jampui North Tripura
13. Lalkaii d/o Hlawnthangvunga (L) Kum 100, Behliangchhip, Jampui, North Tripura
14. Saineizovi d/o Selthanga (L) Kum 104, Zanlawn
15. F Hrangzika s/o Dozika Kum 103, Tlangnuam Vengthar
16. Lalhliri d/o Laituaha (L) Kum 101, Tuidam
17. Lalthansangk d/o Chawnghuliana (L) Kum 101, Tuidam